286                TESTAMENTS ENREGISTRÉS AU PARLEMENT DE PARIS            (526)
Compaigne et espouse, et de noz peres, meres, et de noz enfans et amis.
Item, je prie affectueusement à mes diz executeurs et à mes filz et filles, et par especial mes tres eniers filz, maistre Jehan Bailli et Guil­laume de Cambray, que à mon povre filz Jaquet vueillent faire tout le bien, amour et courtoisie et tel partage que faire lui pourront, et le facent tenir à l'escole, moyennant Je sien mesmes, et lui vueillent aidier à son besoing, car il n'a riens eu de moy, ne de sa dicte mere.
Item, je vueil et ordonne que un voyage et pelerinage qui estoit à faire par ma dicte Compaigne et espouse et moy à Nostre Dame de Boulongne sur la mer soit fait bien et deuement.
Item, un pelerinage qui devoit estre fait à Nostre Dame de Mont Fort soit fait et acompli bien et deuement.
Item, un pelerinage à Saint Cosme et Saint Damien à Lusarches soit fait et acompli.
Item, pour ce que l'en m'a donné à entendre que ma dicte Com­paigne avoit devocion de faire un voyage à Saint Jaques en Galice, combien qu'elle ne m'en avoit riens dit ne declairé, et que je n'y feusse point consenti, toutes voies je vueil que l'en y envoyé message certain qui de ce rapportera lettres de certifjcacion, ainsi qu'il appartendra.
Item, vueil, laisse et ordonne à Jaquet, mon filz, tous mes livres, cours de loys et autres.
Item, je vueil et ordonne que les ventes de quarante solz de rente que j'ay achetez sur ma maison des Trois Pas dq Degrés soient paiez et restituez aux heritiers et executeurs de feu monseigneur l'evesque de Paris, c'est assavoir, monseigneur Pierre d'Orgemont,
Item, je vueil et ordonne que ce qui est deu à l'execucion de feu maistre Pierre de Corbie, dont Dieu ait l'ame, pour cause d'un vielz manteau que [ot] Marion, ma femme, et des biens d'icelle execucion par les mains de ses executeurs ou surroguez, et d'un Rommant de la Rose, et autres vielx livres qui pevent monter à douze frans ou environ, soient venduz et distribuez à chanter messes, à donner pour Dieu, pour les ames du dit defunt et de ses parens, et de ma dicte Compaigne qui